Lionsklúbburinn Hængur styrkir starfið

Frá afhendingu styrksins, mynd fengin af Facebook síðu Hængs.

Lionsklúbburinn Hængur styrkir starfið

Það var ánægjulegt að taka á móti þeim Herði Óskarssyni, formanni Lionsklúbbsins Hængs, og Hjálmari Árnasyni, formanni verkefnanefndar klúbbsins í síðustu viku. Tilefni heimsóknarinnar var afhending Hængsfélaga á styrkjum til nærsamfélagsins, en Hörður og Hjálmar færðu Krabbameinsfélagi Akureyrar og nágrennis styrk að upphæð 150.000 kr. 

Í gegnum tíðina hafa félagar í Lionsklúbbnum Hæng staðið dyggilega við þá sem greinst hafa með krabbamein og aðstandendur þeirra með fjárframlögum til félagsins. Stuðningur þeirra gerir okkur kleift að veita stuðning og fræðslu til fólks á erfiðum tíma í lífi þess og er það ómetanlegt.

Við þökkum Lionsklúbbnum Hæng fyrir þeirra framlag til samfélagsins og stuðninginn í gegnum árin. 

Með kærri kveðju, stjórn og starfsmenn Krabbameinsfélags Akureyrar og nágrennis.