Myndir

Afhending ómtækis

Bleikt boð hjá KAON Fimmtudaginn 10.október hélt Krabbameinsfélag Akureyrar og nágrennis Bleikt boð í tilefni af Bleikum október. Húsið opnaði kl.13:00 og kom fjöldi fólks í hús. Bakaríið við Brúna og Ölgerðin sáu um glæsilegar veitingar handa gestunum. Regína og Katrín starfsmenn KAON buðu gesti velkomna og kynntu félagið. Tvenn tólnlistar atriði voru flutt, Hafdís Þorbjörnsdóttir söng lagið Lífsbókin undir undirspili Björns H.Reynissons. Einnig kom fram Ríkey Svanfríður Kristínardóttir, hún spilaði nokkur lög á píanó, þar á meðal eitt frumsamið. Þorgerður Sigurðardóttir í Göngum saman félaginu kom og kynnti starfssemi félagssins á Akureyri. Á sama tíma fór einnig fram námskeiðið Helklað utan um Krukkur undir stjórn Guðrúnar Nunnu. Við hjá Krabbameinsfélagi Akureyrar og nágrennis þökkum öllum þeim sem gáfu sér tíma og litu við hjá okkur þennan dag kærlega fyrir komuna og stuðninginn í Bleikum október.

Bleikur október 2017 - opið hús

Dekurdagar voru haldnir í október 2020 og gengu framar vonum miðað við aðstæður í þjóðfélaginu.

Fimmtudagsferðalag

Elías færði okkur gjöfina í minningu bróður síns, Sigurðar Óskarssonar, og mágs síns, Guðmundar Hermannssonar, sem báðir létust úr krabbameini í blóma lífsins. Framlagið mun félagið nýta til þess að veita þeim sem greinast með krabbamein og aðstandendum þeirra stuðning og fræðslu.

Málþingið Karlar og krabbamein var haldið í Hofi þann 5. mars og er hluti af dagskrá Hrútsins, árveknisátaki Krabbameinsfélags Akureyrar og nágrennis.

Alls safnaðist um milljón krónur í tengslum við árvekniátakið Hrúturinn auk þess sem málstaðnum var ger góð skil í veglegri dagskrá.

Krabbameinsfélag Akureyrar og nágrennis bauð til málþings fimmtudaginn 14. mars 2019 undir yfirskriftinni: Karlmenn og krabbamein. Markmið málþingsins var að fræða karlmenn um algeng einkenni krabbameina og er hluti af vitundarvakningu um krabbamein hjá karlmönnum. Málþingið – dagskrá Karlakór Akureyrar – Geysir. Opnunarávarp - Starfsmenn KAON. Ásthildur Sturludóttir - Bæjarstjóri Akureyrar. Krabbamein í karlmönnum, einkenni - Eiríkur Jónsson, þvagfæraskurðlæknir. Reynslusaga - Ingimar Jónsson. Breytingar á sjálfsmynd karlmanna í veikindum - Dr. Ásgeir R. Helgason, dósent í sálfræði og sérfræðingur hjá KÍ. Karlaklefinn - Guðmundur Pálsson, vefstjóri Krabbameinsfélags Íslands. Fyrirspurnir og umræður. Karlakór Akureyrar – Geysir. Fundarstjóri: Friðbjörn Reynir Sigurðsson, Lyf- og krabbameinslæknir. Ljósmyndasýningin Meiri Menn, sem unnin var í tengslumi við Mottumars, var til sýnis á málþinginu. Þeir sem að málþinginu komu eru Krabbameinsfélag Akureyrar og nágrennis, Krabbameinsfélag Íslands, Norðurorka, N4, Akureyrarstofa, JMJ Herradeild. Ljósmyndir: Auðunn Níelsson.

Matthildur Ingvadóttir gefur hárið sitt til góðgerðarfélags í Bretlandi

Krabbameinsfélag Akureyar og nágrennis vill þakka öllum þeim sem komu og fögnuðu með okkur á bleika opnunardaginn hjá okkur í nýja húsnæðinu að Glerárgötu 34, á föstudaginn 12. október. Nýja húsnæðið var vígt og haldið upp á bleika daginn, á annað hundrað gestir mættu og áttu notalega stund með okkur. Formaður félagsins Guðrún Dóra Clark hélt tölu og var Halldóra Björg framkvæmdarstjóri heiðruð með gjöf fyrir vel unnin frumkvöðla störf í þágu félagsins ásamt því að Árni hjá Raftákn fékk þakklætis vott fyrir allt sem þau hafa gert fyrir okkur í húsnæðismálum. Tónlistarfólkið Björn Reynisson og Hafdís spiluðu nokkur hugljúf lög og Hildur Ingólfs hélt ræðu um handverkshópinn góða. Nemendur frá tónlistarskóla Akureyrar sáu svo um að flytja okkur nokkur lög á fiðlur. Bakaríið við brúna sá um bakkelsi, Ölgerðin og Kaffibrennslan um drykki. Þetta var yndisleg stund og frábært að sjá hversu margir sáu sér fært um að mæta og eiga þessa stund með okkur, okkur er þakklæti efst í huga og við hlökkum til að takast á við krefjandi verkefni í nýju húsnæði.

Öskudagur 2019

Perlað með Krafti 2017

Þorbjörg Ingvadóttir og Jóhanna Júlíusdóttir hafa unnið gríðarlega gott starf í þágu félagsins. Félagið þakkar þeim vel unnin störf, það var skemmtilegt kvöld haldið af þessu tilefni þann 4.október þar sem nýir og eldri starfsmenn og stjórnarmeðlimir komu saman og áttu góða stund. Halldóra Björg Sævarsdóttir er þar með orðinn framkvæmdastjóri KAON og Katrín Ösp var ráðin inn sem hjúkrunarfræðingur félagsins. Sigrún Jónsdóttir sjúkraþjálfari starfar einnig áfram fyrir félagið.