Tilkynning frá félaginu
Í ljósi þess að nú er fjölgun á Covid-19 smitum í samfélaginu vilja starfsmenn félagsins koma eftirfarandi skilaboðum til skjólstæðinga og gesta:
Skapandi handverk og spjall fellur niður
Næstkomandi fimmtudag, 24. september, fellur Skapandi handverk og spjall niður. Er það gert með hag skjólstæðinga félagsins í huga þar sem ekki þykir ráðlegt að stofna til hópamyndunar innan þjónustumiðstöðvarinnar. Við munum meta stöðuna aftur að viku liðinni.
Ráðgjöf og stuðningur
Viðtöl og sóttvarnir
Lögð er áhersla á að viðhalda góðum sóttvörnum við móttöku gesta og skjólstæðinga í þjónustumiðstöð félagsins. Viðtöl fara fram í rúmgóðu herbergi þar sem auðvelt er að lofta út og halda viðunandi fjarlægð, að auki er ráðgjafi með maska á meðan viðtali stendur.
Tilmæli til gesta og skjólstæðinga
Við viljum biðja gesti og skjólstæðinga félagsins að virða eftirfarandi tilmæli:
- Endurbókið viðtalstíma ykkar verðið þið vör við minnstu flensueinkenni
- Passið handþvott og notið handspritt við komu í þjónustumiðstöð
- Virðið ósk starfsmanna um fjarlægðarmörk
- Við mælum með að fólk hlaði niður Rakning-C19 appinu svo hægt sé að greina ferðir einstaklinga og rekja saman við ferðir annarra þegar upp kemur smit eða grunur um smit
Við þökkum fyrir auðsýndan skilning í þessum aðstæðum og fullvissum ykkur um að viðbúnaður hjá félaginu miðar alltaf að hag þeirra sem við þjónum.
Með bestu kveðju, starfsfólk Krabbameinsfélags Akureyrar og nágrennis