Fréttir

Umsóknarfrestur er til mánudagsins 4. mars kl. 16.00. Markmið sjóðsins er að efla rannsóknir á orsökum krabbameina, forvörnum, meðferð og lífsgæðum sjúklinga.

Alþjóðlegi krabbameinsdagurinn er í dag, 4. febrúar. Tilgangur dagsins er að vekja athygli á þeim vanda sem fylgir krabbameinum og hvetja til umbóta og eflingar á sviði forvarna, greiningar og meðferðar gegn krabbameinum.

Í vikunni urðu stór tímamót þegar Svandís Svavarsdóttir heilbrigðisráðherra tilkynnti að fyrsta íslenska krabbameinsáætlunin, sem gildir til ársins 2030, hefði verið samþykkt.

Fimmtudaginn 10. janúar úthlutaði Norðurorka styrkjum til samfélagsverkefna og fór athöfnin fram í Háskólanum á Akureyri.

Í desember ár hvert fá konur sem verða 23 ára á komandi ári kynningarbréf frá Leitarstöðinni þar sem kynnt er fyrir þeim að skipuleg skimun fyrir leghálskrabbameini hefjist við 23 ára aldur. Á Íslandi býðst konum á aldrinum 23 ára til 65 ára regluleg skimun fyrir leghálskrabbameini á þriggja ára fresti. Á sama tíma eru einnig send kynningarbréf til allra kvenna sem verða 40 ára á komandi ári og þeim kynnt fyrirkomulag skipulegrar skimunar fyrir brjóstakrabbameini sem hefst við 40 ára aldur. Konum á Íslandi býðst regluleg skimun fyrir brjóstakrabbameini með brjóstamyndatöku á tveggja ára fresti til 69 ára aldurs.

Þakklæti er okkur efst í huga eftir árið og hlökkum við til að sjá ykkur á því nýja.

Í október styrkti Cave Canem hönnunarstofa, ásamt Ásprent sem prentaði kortin, Krabbameinsfélag Akureyrar og nágrennis með sölu á kortum með teikningum af trédúkkum sem þau handmála og bjóða upp á í búð sinni.

Fyrirtækið Blikkrás framleiðir löng skóhorn úr pólýhúðuðu stáli í mörgum litum. Í Bleikum október seldi Blikkrás bleik skóhorn og af hverju seldu skóhorni runnu 2000 krónur til Krabbameinsfélags Akureyrar og nágrennis.

Krabbameinsfélagi Akureyrar og nágrennis barst í dag, þann 16. nóvember 2018, 100.000 króna peningagjöf frá Herði Óskarssyni.