Fréttir

Kæru vinir og velunnarar, Reykjavíkurmaraþonið er á morgun og við hvetjum ykkur til að heita á þá 27 hlaupara sem hlaupa til styrktar Krabbameinsfélagi Akureyrar og nágrennis. Við erum þeim ómetanlega þakklát! Styrkirnir eru meðal annars nýttir í sálfræðiviðtöl fyrir þá sem glíma við krabbamein og aðstandendur þeirra hjá Sálfræðiþjónustu Norðurlands. Einnig aðstoðum við fólk að borga fyrir gistingu í Reykjavík þegar fólk þarf að fara í meðferð þangað. Í vetur verða nokkrir hópar í gangi svo sem aðstandendahópur, hópur fyrir fólk sem er að ljúka meðferð, hópur fyrir fólk sem hefur nýlega greinst með krabbamein, hópur fyrir fólk sem hefur misst maka úr krabbameini. Við verðum með hvatningastöð við Ægissíðu á móti Dunhaga og hlökkum til að sjá ykkur sveitt og sæl Hér má heita á hlauparana: https://www.hlaupastyrkur.is/godgerdafelog/charity/285/krabbameinsfelag-akureyrar-og-nagrennis

Sumarlokun KAON er frá 19. júní- 11. ágúst. Opnum aftur 14.ágúst Gleðilegt sumar kæru vinir

Sundleikfimin sem verið hefur í innilaug Akureyrarsundlaugar er nú komin í frí. Byrjum aftur í ágústlok eða byrjun september. Nánar auglýst þegar nær dregur.

Við minnum á fyrirlestrana okkar í dag kl 16:30 !! Signý Vala Sveinsdóttir, blóðsjúkdómalæknir, verður með fyrirlestur um krabbamein með sérstakri áherslu á blóðkrabbamein. Katrín Ösp Jónsdóttir hjúkrunarfræðingur verður með fyrirlestur um áhrif krabbameins á kynlíf og frjósemi. Þessir fyrirlestrar eru ætlaðir þeim sem hafa greinst með krabbamein og/eða aðstandendum þeirra :)

Þriðjudaginn 28 mars kl 16:30-18:00 verða Signý Vala Sveinsdóttir, blóðsjúkdómalæknir og Katrín Ösp Jónsdóttir, hjúkrunarfræðingur með fyrirlestra. Fimmtudaginn 30 mars kl 19:30 kemur Halldóra Bjarnadóttir, hjúkrunarfræðingur og ræðir um kynlíf. (sjá nánar með því að ýta á fréttina)